小鴨劇團廣東俗語系列第二炮
今次雞B擔正做主角，
各位雞B粉絲千萬不要錯過 \^U^/
雞B是雞記飯館的老闆，
日日坐係收銀枱數錢,看來生意都唔錯！
一天,他看見廚房員工要把用來煮熟肉類的水倒去...
雞B老闆心想不能賣不如免費送給客人喝，
唔嘥嘢！又可以吸引客人，真係一舉兩得 :)
於是他叫齊全鋪員工到來,
希望大家幫手為這碗湯諗個好名！
雖然話免費贈送，
都要有個吸引的名先得㗎!!
老闆雞B靈機一觸...
雞B老闆果然有生意頭腦,
自從有免費「吉水」奉送之後，
真的吸引了很多客人...不過...
兩位客人飲完免費「吉水」之後,
伙記又過來想幫客人點菜,
傻裡傻氣的伙記小鴨真的望向牆邊...
好多客人飲完免費的「吉水」後就想胡混過去,
找機會靜雞雞走人...
由於「吉水」是免費的，
所以飯店也無法追究 !
就係因為咁,
這種混騙行為叫做"混吉"！
“混吉”一詞亦在各大飯店留傳出來....
全劇完
多謝觀看小鴨劇團的演出 :)
下期預告：「炒魷魚」
混吉的由來：
老廣州的飯店,每日所售雞鴨鵝豬牛肉，
都用一鍋水煮熟，所以湯入面有肉味，
但完全沒有湯料，即空空如也，
廣東人覺得"空"等於" 凶"，所以就改成"吉"，
碗湯就叫做"吉水"。
當年經濟差，物資缺乏，
所以飯館就會用這些有肉味的水招呼客人，
當顧客一坐下，侍應即免費奉上一碗"吉水"。
由於當時有很多人三餐不繼，
為求飽肚，很多窮人都會到飯館假裝光顧，
當侍應奉上這些有味的水時，即一飲而盡，
再趁待應不察時立即離開，以此得口有肉味的水飲。
當時侍應稱這些人：「混口吉水飲」，
其後簡化為「混吉」。
混吉的意思即是搞了半天一場空。
但現在以被另一句香港人的俗語
「搞搞震，冇幫襯」代替
沒有留言:
張貼留言